خصوبة

جرفهم الفيضان


نبتة

 تشق الطين

(التعليقات على الرابط التالي)

http://www.fonxe.net/vb/showthread.php?t=27351

رباط

http://www.fonxe.net/vb/showthread.php?t=27502


تعليقا على هذا

النص:

تبادلا النظرات







مُحكمة ٌ قضبان السجن






الباب مفتوح

سجن ،،،،،،سجّان

القلب الأخضر يغدو سجنا ...

تتوالى ترتفع القضبان ...أتلفت حولي

رغم القضبان المحكمة ...مفتوح باب السجّان ...

أتعجب من إدمان القيد ..تأخذني الثورة على السجّان..

لا أعبأ بكل القضبان ..

كلمتان وسأصبح حرا بلا سجن ولا سجان ولا قضبان ...

أتلو وردي اليومي ..تمهل لا تعمي عينيك الثورة ...

لا تغلق قلبك ..لا تمشي على الأرض ملائكة ..

انظر للنصف الملآن ...لن أصبر بعد الآن ...

استرجع عمرا وزمانا أدقق في حرف العنوان

...أتأمل غرسا ونباتا ...أتذكر فضل الرحمن ...

يغلبني الصمت أصاحبه ...أدمنه ...

تعلو بالصمت الجدران ...انتظر الفرصة كي أخطو ...

أخرج من ذل وهوان ...مابين اليقظة والغفوة ...

يفجأني قلب ويدان ...أنظر في فرح يتوارى.....

تأخذني تلك العينان...

وتتمتم في وجل وخشوع بالرقية تلك الشفتان ...

تتثاءب ...تنهال دموع ...تغرقني في بحر حنان ...

ترجوني أن أنسى سجني أن أغلق باب الشيطان ...

مع آخر سطر أقرأه أعود لأول عنوان ...يذوب الصمت ..

يعود القلب للخفقان ...

نتعانق في ساح السجن وتذوب فيه روحان ..

لم يبق للسجن حدود ...في القلب يقيم السجان !!!!

أنا إنسان-على اليوتيوب

قصيدة أنا إنسان للشاعر صالح شرف الدين

http://www.youtube.com/watch?v=WSbS25OEyok&feature=player_embedded

قصيدة من إلقاء صالح شرف الدين

http://www.youtube.com/watch?v=G2nO8GpWszI

الحقيقة

أذهلتهم ....فتشوا

الخوف ..الصبر ..الصمت

في القبر.

مــن دفتر الثــورة وفــم الثــوار(حلم وكابوس ونظام)

من دفتر الثورة وفم الثوار (حلم وكابوس ونظام)
اتيحت لي الفرصة أن أجلس مع كوكبة من ثوار يناير ،وهالني ما سمعت منهم ،وكم تمنيت أن يسمع كل الكبار

ما يجيش بوجدان الثوار ،لقد كان الميدان مدينتهم الفاضلة ،ومروا فيه بتجارب مريرة انعكست على نظرتهم

للحياة ،ولابد أن نسرع في التغيير ليخرجوا من الفوران والغليان المستمرين ،وعلينا أن نتكاتف في إطفاء

نيران الظلم التي أدت للاحتجاج ،ونجرم القمع الذي أدى إلى الانفجار ،ولنتذكر أن لنا في القصاص

حياة ،علينا أن نبحث عن حلول أخرى غير العنف ،وأن يكون هناك قانون يحترمه الجميع

ويحاسب الجميع على قدم المساواة ،ولن يحمي مجتمعنا من الانهيار إلا العدل المطلق..

وهذه الكلمات من فم الثوار وإلهامهم وهي غيض من فيض قالته قلوبهم

ونطقت به دموعهم قبل أن تنطق به ألستنهم ....

الثائر الأول : (1-9)

إللي عايش ف الطّراوه
فاكر الثورة شقاوه

عمره ما حس يوم بنار
عمره ما هزّه انفجار

عامل زي ناس سكارى
تملا حياتهم خساره

كل ظلم يخلّفوه
ابن عاق يثور وثورة

كل وش بيلبسوه
يبقى عار ويبقى عوره

لازم نتغيّر بجد
نطفي ظلم نطفّي نار

حق دم أخويا حد
يوم ما سيبه يبقى عار*************

الثائر الثاني (2-9)

الورد دم ونزف
إثم وذنوب وحرام

وحق إللي مات وانظلم
عمره مايبقى حطام

حقه في رقبة وطن
بيكبله الإجرام

إزاي نصحّي بشر
من فجر التاريخ نوّام

كبار في السن وكفى
ليه الكبار أقزام ؟

فاهمين حلمنا عجرفه
وفهلوه وأوهام

وجوه تنبّت فشل
ف حرب ولّا سلام

باعوا الهرم والحرم
عبيد لصوص أصنام

حتى الأمل مشكله
حلم وكابوس ونظام

*************
الثائر الثالث3-9)

حلم النجوم ف السما
يملا قلوبنا هيام

صرخ الألم م الألم
والخلق لسه نيام



عمر اللي داسه الزمن
ما تنصفه الأيام

كابوس راكب كابوس
قهر الورود إجرام

ظلم وظلام مدروس
ف السما رفرف حمام



يرسم لبكره فلك
يهديله روحه وسام

************

الثائر الرابع : (4-9)

بنحلم والحلم فتّح
وطل ف صحرا الزحام

وفجر الليل بينده
وتهز إيده المقام

أنا بحلم ..ولا بجد
انهار عنف النظام

راح مسيلمة ولّا
دا كله كان أوهام ************
الثائر الخامس: (5-9)

من كتر الليل ماعشش
وف قلب الخلق دام

لمّا ركبنا الفجر
عايزين يشدوا اللجام

وف لحظة فرحة حزينه
صرخ الصمت الكلام

إحنا ماشيين لورا
ولّا الورى قدام

والخوف حيطرح كابوس
وتتبخّر الاحلام

يرجع لنا أبرهه
يطلّع لسانه النظام

************
الثائر السادس: (6-9)

خايفين من خوف اتهزم
ليرجّعه الظلّام

نرجع نثور ملايين
تتثبت الأفهام

حق البشر ينتصر
لو كانوا حتى نيام

وحق اللي طار ف السما
وحق اللي عاش منضام

خلاص مافيش أقنعه
خلاص ما فيش أوهام

******************
الثائر السابع : (7-9)

واللي خرج م الخوف
مارد ف قلبه قام

حضن الأمل والألم
عرف الحقيقه بكام

بدم صاحب نزف
بروح تثور إلهام

تحضن نجوم السما
والجنه تبقى مقام

وتقول كفاية بقى
للظلم والظّلام

كفايه قهر وشقى
إجرام ورا إجرام

سقط النظام وانتهى
والحلم طار أحلام

والفيل بتاع أبرههراح مع الأقزام

**************
الثائر الثامن: (8-9)

إزاي حيرجع إللي فات
إزاي تشيلو جبال همومي

شيلت صاحبي لمّا مات
دمه ينزف فوق هدومي

يندفن فيّ السكات
تتخنق فيّ دموعي

تنغرس فيّ الآهات
صاحبي دا اللي حماني

يفدي روحنا وبحياتو
غيبوه وف ثواني

مات وقلب الكل ماتوا
ف القصاص من كل جاني

نام يا صاحبي في هدوء
حلمك اللي يوم فديتو

حلمنا ولازم نفوق
نبني فوق اللي بنيتو

تملا قلب الكل آه
كل روح اليوم فداه

************
الثائر التاسع : (9-9)

ياللي ماسكين ف العقول
لو قدرتم افهموني

خدوا كل الدنيا منّي
ورجعوا لي روح أخويا

لو فشلتم ..غصب عنّي
لو حبيع حتى أبويا

لجل روح أخويا تهدا
كل شيء اليوم مباح

مش حصالح ..مش حسامح
وف دمانا مفيش سماح

كل ظالم كل ساكت
هوّ قاتل عندي فاجر

بدم بارد بيقتلونا
بالرصاص أو بالحناجر

إن قدرتو تخدوا روحي
روحي تفدي اللي مات

يوم ما شلتك يا أخويا
اندفن فيّ السكات

صوتي يعلا ..صوتي يملا
صوتي يتخطّى الحدود

هاتوا حقي كل حقي
أنا حقّي لدود

************
صالح شرف الدين
مارس 2011م