يا سفينة
.........
يا سفينة يا معدّيّـــه
في قنالي بين شطين
يمينك نور ربّانـــي
وشمالك نور العين
...................
ربان سفينتنا قــال
هنوسع القنـــــال
راجل قد الكـــلام
العام يمر أقــوام
دا وعد الحر دين
...............
جايه م البحر سفينه
تمر بأحلى مينــــــا
الباسلة بور سعيـــد
ومهما نقول ونعيد
دي أم الفدائــــيين
.................
في وسط قنالي عروسه
هاديه من العين محروسة
يالـــلا ردّي التحيّــــــــه
دي الغالية دي اسماعيلية
ليها ف قلبي حــــــــبين
...................
آخر المجرى الرئيسي
عريسك السويســـــي
سويس أم البطولـــــة
وسويسي قد القولــــه
روح اسأل الأربعــــين
..........................
يا سفينة هستناكـــــي
وأعدّي قنالي معاكــي
ووسع ليكي قنالـــــي
وقدم ليكي الغالـــــــي
يا حب المصريـــــين
.......................
صالح شرف الدين
=تم التحديث والتسجيل
والنشر في :
1من أغسطس 2015م
