شعب مصر شعب واحد

لو صحيح بتحب مصر

اتحادنا أغلى نصر 

على كل البلطجية

شعب مصر شعب واحد

تنطفي شموعي نزول 

لما تبعدمره عني 

لما أبعد مره عنك 
.....................

شعب مصر شعب واحد

يعني إيه إنك تقوللي :

إحنا شعب وانتو شعب ؟؟؟

شعب مصر شعب واحد

شعب مصر شعب واحد-1

...........................

1

يعني إيه إنك تقوللي : إحنا شعب.. وانتو شعب

يعني عايز تبقى حرب ؟؟

ولا إنْتو دم أزرق ، واحنا أسود م السواد

إنت بتقسّم بلاد ، ولا بتقسّم عباد ؟؟

إنت مين ..؟ 

إنت فين ...؟

إنت ليه ..؟

واللي بتركّز عليه ..عمره ما يحنن قلوب ..!

عمره ما يوحّد شعوب ...!

ليه تدوّر ف الفروق ..؟؟

ليه تزوّد ف الشقوق ..؟؟

ليه تعمم ف الخطايا ..؟؟

ليه تفتش ف النوايا ..؟؟

إن حكم رب البرايا ..حكمه دا لازم يسود ..!

 ..........................................

2

كل الناس ولادك آدم ..!

كل الناس ف الأصل تراب ...!

ليه بتفرّق..؟

 ليه بتقسّم..؟

ليه تخليهم شعب وشعب ..؟

إحنا دخلنا جوّه القلب ...؟

مشّي العدل وحط قانون

يمشي على كاين ما يكون ..!

المايل تعدله وتصون ..

العادل دا ربّ الكون ...

حكم العادل لو كان كافر

أفضل من مؤمن لو جاير ..!

دا مش رأيي دا رأي الدين ..

بيقوله كل العاقلين..!

.....................

3

لما تقوللي :إحنا شعب ..وانتو شعب ..!

دا يهْديني ....دا يخلليني أحبك أكتر ..

وأمشي وراك مش راح أفكر ...؟

دا هيرجّع حقي الضايع ..؟

دا يهَدِّيني ،ويفهمني صح ديني ..؟

لمّا مسلم مره يضل

ليه كل مسلم فينا يتسب ..؟

إنت بتهدي ولا الرب ..؟

شرعك ربِّ أنا عارفه كويس

حافظه ليّ ليوم الدين..!

عمري ما اضل ولا راح أهيس

قرآني يهدي التايهين ..!

والسنة تاخد بإ ديَّ

ورسولي يملا لي العين ..!

قدوه وحق عدل وفاء

والدرب ينوره فقهاء ..

عمر ما قسمنا العقلاء ..!

مصر تعلا باتحدنا

مصر أرضي ..

مصر طولي ..

مصر عرضي ..

مصر أم للفداء

مصر عيني ..وصّى ديني

وبيفدي  ترابها الشهداء

.......................

.

يتبع

صالح شرف الدين

 يونيو 2013م

أنا عارف

((1-6))
أنا عارف إن الشمس

هتطلع بكره

إن ثواني العمر

هتصبح ذكرى

يبكره لو مش عجبك تيجي

يبقى اليوم آخر أيامك

خليك نايم

إوعى تصحى

كل ما تطلع شمس جديدة

كل المخليق تفرح تشكر

إلا الإنسان

ساهي وحيران

مره بيشكر

وألفين لأ

ومهما ينسى

الله الحق
..................
صالح شرف الدين
إبريل 2013م

جنات حبك

كم ذا يساور يقظتي ورقــــــــــادي =نورٌ يعانق مهجتي وفـــؤادي

من أجل أن ألقى حبيبي فائــــــــزا =بالوصل والقرب الجميل النادي

روضٌ بديعٌ في تألقه سنــــــــا =قد صار عشقا يانعا لفـــــــــؤادي

ما أجمل العينين عين للمهــــــــا=يشتاق سحرهما البديع سهــادي

كم ذا يحيرني جمالٌ للجنـــــــــى =ويذوب في بحر الوصال عنادي

ماكنت إلا عاشقـــــــــا ومتيّمـــا =أسلمت للروض البديع قيــــادي

في قرب نورك يا حبيبي جنتــي =جنات حبك تزدهي وتنـــــادي

قلبي يلبي تستزيد جوارحــــــــي =هديا يضيء بساحة الميلادي

نبضات قلبي يا حبيبي كلهـــــــا =شوقٌ إليك لمن هواه مـــرادي

أنت الحبيب وما لحبي آخـــــرٌ =كم ذا أزيّن رغبتي بجهــــــادي

يا بحر حبٍ كم تفيض على الذرا =والشوق يرنو للحبيب الهادي

أدعوه أن يبقى وصاله مقصـــــدي =وإليه تضرع تستجير أيادي

والصمت في حرم الجمال جمالٌ =والبوح ساح رحبة لجيــــادي

.................................................. .........

صالح شرف الدين
إبريل 2013م

الحافلة والخضر -أماكن التوزيع

1. منافذ توزيع مجموعتي القصصية ((الحافلة والخضر))
   
   
   دار مصر اليوم 1 ش نصر سليمان - ميدان الدقى 01229300029
   ...
   مكتبة نيل وفرات .. 42 ش رشدى من ش عبدالعزيز 0223936225
   
   مكتبة دار انسان ش الدقى .. ميدان الدقى
   
   مكتبة النهضة المصرية 9 ش عدلى .. القاهرة
   
   فروع مكتبات الشروق الزمالك والمهندسين وسيتى
   
   ستارز وطلعت حرب اتصل الان 0223936225
   
   حاليا يوجد مندوبين لتوصيل الكتب فى نيل وفرات
   
   وقريبا فى مصر اليوم