الثلاثاء، 22 يناير 2013

هتوحشيني

هتوْحشيني يا أم الضفاير ليل

وملامح الحسن منقوشة على جبيني

هتوْحشيني

ياللي القلوب بِتِتْعذب في حبك

ولا طلتك في يوم ولا طلتيني
هتوّحشيني

عمّال أغازلك واغْزل في غزْلِك

ومش قادرة حتى تحميني

هتوْحشيني

من يوم ما دندن الفجر بحروف اسمك

وانا حاسك وانت إمتنى راح تحسيني

هتوْحشيني

بحبك وعمْرما كحّلت عيوني طلّتك

وانت كلّي نبضي الساير في شراييني

هتوْحشيني

بيحكوا عن حسنك ويتحاكوا ملايين المغرمين

والحسن حزن غطّى الضّي في عيوني

هتوْحشيني
ْ
بتْحبي كل الناس وحبيبك بينداس

مضحوك عليكي ولّا إنت كرهتيني

هتوحشيني

قطة بتاكل ولادها ولّا دا زادها

قولي لي إنت ليه ولدْتيني ؟
ْ
هتوْحشيني

أنا مش كافر لإني في يوم هسافر

قومي خديني لآخر الأحضان ودّعيني

هتوْحشيني

..................................

صالح شرف الدين

يناير 2013م
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)