ضد الثورة والثوار

ضد الثورة الثوار
.........
.( لا يحب الله الجهر بالسوء من القول إلا من ظلم
وكان الله سميعا عليما ( 148 )البقرة

1
ياللي زعلان م الشتيمه
إنت زعلك دا جريمه
دمي ينزف ونت عِمِيت
إنت أكيدْ زي البهيمه

2

 فرق كبير ..فرق يبان
بين البقره والإنسان
عقل يدور فضل وزينه
في أغبى من الحيوان ..؟

3
صوتي سلاحي بس يا عالم
صوتي يعلا فِ وِشْ الظالم
هاتوا حقي عايزين كام
وِنْت فْ مربط جهلك نايم

4

عايز منّي أعمل إيه.؟
ونْت ساكت ..ساكت ليه؟
والقاتل قُدامك باين
والثاير مقلوعه عنِيه
5
عمّال تفْتي فينا تنظّر
والقاتل فينا بِيْجَذّر
وتقولنا دا الشتْم حرام
انت جبان أو بتهذّر

6
هو شتم الفاجر عيب.؟
لما قصاص العدل يغيب
يعني نسجد للإجرام.!
إنت شريك الجاني ..ديب

7
هوَّ المجرم ليه إحساس .؟
هوَّ القاتل زي الناس.؟
نلعن أمّه تبكي عنيه
طبعا لا ..دا ..م الأنجاس
8

إنت ليه ضد الثوار.؟
إنت ليه بتزيد ف النار..؟
إنت شريكه ف الإجرام
إنت حثاله ..فجر وعار

9

إنت يا ماشي عكس الريح
خليك يوم صادق وصريح
إنت مع الإجرام والظلم .؟
قول الحق دا نت فصيح

 10
نصر الثوره نصر أكيد
دم وِلادها نور بِيْقِيد
يفتح لنا أبواب الغد
نام وتهنّا افْرحْ ياشهيد
.........................

صالح شرف الدين
فبراير 2012م

http://www.m-naghm.com/vb/showthread.php?p=265505#post265505