بطل كدب

بطّل كدب
**********
1
عمري ما اعاتبك
ولا راح أحاسبك
إمتى كان في بنّا عتاب؟
عمال تكدب
حتى إنك
لما بتصْدق أأُقول كداب
.....................
2

كل ما تنطق
تنطق كدب
هو الكدب يحل مشاكل ؟
حيلة العاجز
فشلك جاهز
الكداب مأفون أو جاهل
.......................

3
تنسى دايما
اللي تقوله
وانت بتعمل كدب جديد
عايش دايما
ف الأوهام
جهل ووهم وظلم أكيد
........................
4
ليه بتبرر؟
ليه تتغير؟
والله شبعت من التبرير
عمر ما كان
غدرك يتصوّر
إنت حبيبي ليه شرير؟

........................
5
كدبك يقتل
كدبك يحْمل
كل مصايب ..عار ودمار
إنت جبان
مش إنسان
في كداب م الأحرار.؟
......................
6
إنت خايف
ليه مش شايف ؟
قولّي حبيبي خايف من مين
كدبك ضلْمه
سكّته ظالمه
تايه فيها يا مسكين

......................
7
ليه بتغطي
ف الأخطاء ؟
ليه ما تقولش إن أنا غلطان؟
ليه ما بتعدلش
اللي يميل؟
إمتى الكامل كان إنسان ؟
..............................
8لمّا تغلط
صلّح غلطك
صاحب الحق يمكن يسامح
لازم ترْضي
اللي ظلمْته
دا تأنيبي أنا مش ناصح
.........................
صالح شرف الدين
فبراير 2012م