ثورة أرض الفيروز

ثورة أرض الفيروز



مرت سبع وثلاتون عاما على عودتها ...بعد سنوات ست عجاف ..

استشهد من أجلها عشرات الآلاف ومازالت تعاني من سوء التخطيط

وبقاء أغلب أبنائها لا يجدون الاستقرار الذي تمنوه يعانون الأمية

 والفقر وتفضيل أبناء وادي النيل عليهم لا لشيء سوى أنهم أبناؤها

وعدوا بالكثير ولم يحصدوا إلا الفتات ..الكثير من العصابات تحاول

 إغراءهم ..فهل نتركهم لها ..وهل نتركها تضيع مرة أخرىعلينا أن

نستمع إليها -وقد ثارت علينا -وننصفها منكل ظلم ..بحسن

 الاستفادة من ثراوتها وننصفأهلها ..ونحن وأعون

أننا ننصف أنفسنا ربما تفيدكم هذه الحروف التي

أجريتها على لسانها:


1


اسمعوا صوت الغالية علينا


اللي عشانها عشنا ومتنـــا


واللي عشانها كتير ضحينا


اسمعوا صوت ثورة سينــا


2


صوتها بيعلا صوتها ينادي


إنتم سامعين صوتـــي ولّا


في مشكلة في ودن الوادي


ولّاعنادي بقي شيء عادي


3


سنين وسنين بتمر علـــــيّ


وعد ..أمال .وكلام ف كـلام


من يوم ما جتنــي الحريــــة


نفسي تحسوا إن أنا مصرية


4


اوعوا حد عليّ يزايــــــــد


يحسب نفسه وطني أكتــــر


مني يسخر.صوت وعوايد


بينه وبيني حدود وحــــدايد


5


مش عيب إن كنتم جاهليـــن


تسمعوا مني كلمة حــــــــــق


تسألوا عن أرضي الفراعين


ليه حطوني جوه العيــــن.؟


6


انا درع لبلدي المحروســـــــــــة


أنا أرض الفيروز والنـــــــــــــور


ملايين بحبّـــــي مهووســـــــــــة


ورئيسة أنا مش مرءوســــــــــة


7


أصل وثروة جمال ف جمــــــال


نور للدين ونور للدنيـــــــــــــــا


شط ووادي جبال ورمــــــــــال


كل حب عشاني حــــــــــــلال


8


دم شهيدي ف حضني نـــــور


ابني وابنك غالي يا مصـــــر


ليه أرضي أنا لسه بــــــــور؟


ليه ابني بيحسه الــــــــجور؟


9


حضني يساع ملايين ملايين


واحصد هجر ولاد النيـــــل


فين الوعد وفين الديــــــــن


انتوا بجد صحيح ناسييـــن


10


وبتشتكوا م الوادي الزحمة


عندي الحل أكيد وأكيـــــد


امتى تملا قلوبكم رحمـــة


تهدوني قلوبكم مش فحمة


11


وسنين مرت بالعشـــــــرات


أرضي وجبالي مهجــــورة


متخزنه فيها الثــــــــروات


ولربي رفعت الشكايـــــــات


12


أنا عايزة عدل وإخـــــــــلاص


يملا القلب ويملا العيـــــــــــن


مش عايزة إرهاب ورصاص


م الظالم من حقي قصـــاص


13


ليه ولادي تا خدهم عصابات


وانتم قاعدين للتساجيـــــــــل


قبل ما تسجلوا جنايــــــــات


ربوه الناقص ربايــــــــــات


14


شبعتوني عصاية .نبــــــوت


شوفوا طريقة تانية معايـــــا


ابني ما بيخفش من المــــوت


نفسه حياة عزيزة وقــــوت


15


نفسه يبقى مالك أرضــــــــــه


زي اخواته المصرييـــــــــــن


ولا حد يعدي على عرضــــه


يكره كل الذل وفرضــــــــه


16


انتشلي ابنك م التيــــــــــــــه


يا مصر ضمي ولاد سينــــا


هو حبيبك ليه هجرتيـــــــــه


ارجعي املي ايديه وعنيــــه


17


للحب للعدل دلايــــــــــــــل


للظلم مساويء وظــــــــلام


امتى حتعدلوا كل المايـــــل


مش عايزة إحسان وجمايل


18


بطلب حقي العدل يســــــود


قبل ما ضيع تاني من إيدك


والرب العادل موجــــــــود


رب كريم وعلينا يجــــــود


19


إن يوم إهمالك ضيعنــــــــــي


احزني زي يوم النكســـــــة


ذكرى النصر بقت توجعنــي


للفرح مين حيرجعنــــــــــي


*********************


صالح شرف الدين


أكتوبر 2010م


************