إلى أمي التي أتمنى ، أن يجمعني الله بها في الجنة
1 بحبك يا أمي وإنت منايا سعدي وهنايا وانت البداية وكلك كمال ومن رب آية بداية ونهاية بقولك بحبك يا أمي بحبك بحبك يا أمي | 2 بحبك يا أمي وحبك حياتي زماني اللي آتي تداوي آهاتي وفي ضل أمي أكبر ونول كل السعادة أكبر وقول يا أمي بحبك بحبك يا أمي | 3 بحبك يا أمي وإنت الحنان وإنت الأمان ومين تاني غيرك بيغمرنا نوره ونورك إلهي بحبه وباهي ويقول لك كياني وقلبي بحبك بحبك يا أمي | 4 بحبك يا أمي وحبك ضياء وبتعلميني أصول الوفاء تربي تعللي وبتوصليني لحد السماء ويارب خللي وأفضل أقول لك بحبك يا أمي |
5 بحبك يا أمي يا نور القلوب وكل الدروب توصل لأمي بتهدي الحياري عيوني السهارى تدور عليك تقول لك يا أمي يا أمي بحبك بحبك يا أمي | 6 حبك تا أمي وحتى ف غيابك بتملي سمايا وكل الحنايا ألاقيك طالعة في كل النجوم بتمسح إديك كل الغيوم كلي يقول لك بحبك يا أمي | 7 بحبك يا أمي ولما بتقسي علي بحبك ولو يوم أزود عيار الشقاوة وتضربني إيدك بكل الهداوة تجري دموعي دموعي تقول لك بحبك يا أمي | 8 بحبك ياأمي وحبك سفينة ومرسى ومينا وكل الحبايب ف عيونك إنت ف بحرك بعوم ويوم بعد يوم تزيد الغلاوة حقيقي بحبك بحبك يا أمي |
9 بحبك لأنك نهاية المطاف ولما بخاف ألاقي ف ضلك غصن الأمان يضلل علي وابقى سعيد وفي ضل أمي أقول من جديد بحبك يا أمي | 10 بحبك يا نور يا أغلى الزهور ومهما ألف ومهما أدور لضلك بعود وقلبي يا أمي يرفرف يطير عصفور صغير يقول لك بحبك بحبك يا أمي | 11 بحبك لأنك سر الحياه وف الدبيا ديا نور م الإله ينور حياتي لقلبي رجاه ومهما بيبعد ولو عني تاه يرجع يقول لك بحبك يا أمي | 12 بحبك لأنك إنت الرءومة كل الأمومة ولو قلت آه ألاقيك جنبي ألاقيك قلبي أناجي الإله بكل الدعاء واقول لك كمان بحبك يا أمي |
13 بحبك وأملي أفوز برضاك أغني باسمك أطير في سماك عصفور يضمه يضنه حماك وبيحب أمه يحب الشقاوة شقاوته تقول لك بحبك يا أمي | 14 بحبك يا أمي وقبل ما أفتح كنت عني كنت انت قلبي روحي وإدي وقلبك بيسمع ومن قبل ما أنطق ومن قبل ما أهمس بقول لك بحبك بحبك يا أمي | 15 بحبك ومهما أكبر يا أمي حفضل صغير أتمنى إنني أهرب لحضنك أسكن عنيك يغمرني حبك أنسى همومي تنطق ضلوعي بحبك يا أمي | 16 بحبك ونفسي نفسي أوفي ومش لاقي حاجة عندي تكفي رفعت إدي أناجي الإله يخلليك أمي ف جنة علاه أجيلك واقول لك بحبك يا أمي |
ليست هناك تعليقات:
إرسال تعليق