دوارة الدنيا

دوارهْ الدنيا
**********
1
أوراق الورد الدبلانهْ
وسنين العمر الحيرانهْ
تايْههْ ف الصحرا عطشانهْ
بتْقطّع م الحزن قلوعْ
2
الحزن المرْ بيتْجدِدْ
وبهيّه بتلطم ْوتعدِدْ
ووراها الدنيا بتردِدْ
السّكه دي أخرتها الجوعْ
3
راجعين للنص ف الميّهْ
هيرويين وبانجو وحراميّهْ
يغتصْبوا بهانه ْوبهيّهْ
م القهرْ القلبْ موجوعْ
4
دوّاره الدنيا وبتْدورْ
ونْمورها عايشهْ ف قصورْ
وأرانب عايشهْ ف جحورْ
عايشهْ مقابرْ ونجوعْ
5
بنجْري والدنيا بتجْري
فاضيهْ إدينا بعد العصرِ
كلمةْ حقْ نقولها بدري
كلمهْ حرّهْ ونور مطبوع
6
نقولْها يحْيا الإخلاصْ
م الدنيا نتمنى خَلاص ْ
ما راح العمر وخلاص
والحلم ف قلْبنا مزروع ْ
*******************
مايو 1997م
*************